Editor- MM Kamath
തിരു:
ആസിഫ് അലി, നമിത പ്രമോദ് എന്നിവരെ പ്രധാന കഥാപാത്രങ്ങളാക്കി നവാഗതനായ നിഷാന്ത് സാറ്റു രചനയും സംവിധാനവും നിര്‍വ്വഹിക്കുന്ന 'എ രഞ്ജിത്ത് സിനിമ' എന്ന ചിത്രത്തിന്റെ പൂജയും സ്വിച്ചോണ്‍ കര്‍മ്മവും തിരുവനന്തപുരം ഹോട്ടല്‍ ഹൈസിന്തില്‍ വെച്ച് നടന്നു.
രഞ്ജി പണിക്കര്‍, സൈജു കുറുപ്പ്, ആന്‍സണ്‍ പോള്‍, ശ്യാമ പ്രസാദ്, കലാഭവന്‍ നവാസ്, സുനില്‍ സുഖദ, ബാലചന്ദ്രന്‍ ചുള്ളിക്കാട്, സന്തോഷ് ജോര്‍ജ്ജ് കുളങ്ങര, കൃഷ്ണ, മുകുന്ദന്‍, ജയകൃഷ്ണന്‍, പൂജപ്പുര രാധാകൃഷ്ണന്‍, ജോഡി ഈരാറ്റുപേട്ട, ജൂവല്‍ മേരി, അന്ന റെജി കോശി, സബിത ആനന്ദ്, തുടങ്ങിയവരാണ് മറ്റു പ്രമുഖ താരങ്ങള്‍.
ബാബു ജോസഫ് അമ്പാട്ടിന്റെ സഹകരണത്തോടെ ലൂമിനസ് ഫിലിം ഫാക്ടറിയുടെ ബാനറില്‍ നിഷാദ് പീച്ചി നിര്‍മ്മിക്കുന്ന 'എ രഞ്ജിത്ത് സിനിമ' എന്ന ചിത്രത്തിന്റെ ഛായാഗ്രഹണം സിനോജ് വേലായുധന്‍ നിര്‍വ്വഹിക്കുന്നു.
റഫീഖ് അഹമ്മദ്, അജീഷ് ദാസന്‍ എന്നിവരുടെ വരികള്‍ക്ക് നവാഗതനായ മിഥുന്‍ അശോകന്‍ സംഗീതം പകരുന്നു.
എഡിറ്റര്‍- മനോജ്, എക്‌സിക്യൂട്ടീവ് പ്രൊഡ്യൂസര്‍- നമിത് ആര്‍, 123 ഫ്രെയിംസ്, പ്രൊഡക്ഷന്‍ കണ്‍ട്രോളര്‍- ജാവേദ് ചെമ്പ്, കല- അഖില്‍ രാജ് ചിറയില്‍,
മേക്കപ്പ്- റോണി വെള്ളത്തൂവല്‍, വസ്ത്രാലങ്കാരം- വിപിന്‍ ദാസ്, സ്റ്റില്‍സ്- ശാലു പേയാട്, ഡിസൈന്‍സ്- കോളിന്‍സ് ലിയോഫില്‍, ചീഫ് അസോസിയേറ്റ് ഡയറക്ടര്‍- ജോമന്‍ ജോഷി തിട്ടയില്‍, ടൈറ്റില്‍- ആനന്ദ് രാജേന്ദ്രന്‍, പ്രൊഡക്ഷന്‍ എക്‌സിക്യൂട്ടീവ്- ഷിബു പന്തലക്കോട്, ഷമീജ് കൊയിലാണ്ടി.
കുടുംബ പശ്ചാത്തലത്തില്‍ ഒരുങ്ങുന്ന ഒരു റൊമാന്റ്റിക് ത്രില്ലര്‍ ചിത്രമാണ് 'എ രഞ്ജിത്ത് സിനിമ'.
ഒട്ടേറെ സൂപ്പര്‍ഹിറ്റുകള്‍ സമ്മാനിച്ച ഷാഫിയുടെ ശിഷ്യനാണ് ഈ ചിത്രത്തിന്റെ സംവിധായകനായ നിഷാന്ത് സാറ്റു. പ്രശസ്ത സംവിധായകരായ സന്തോഷ് ശിവന്‍, അമല്‍ നീരദ് എന്നിവരുടേതടക്കം നിരവധി ഹിറ്റ് സിനിമകളില്‍ അസ്സോസിയേറ്റ് ഡയറക്ടറായിരുന്ന നിഷാന്ത് സാറ്റു സംവിധാനം ചെയ്യുന്ന ആദ്യ ചിത്രമാണിത്.
വാര്‍ത്താ പ്രചരണം- എ. എസ്. ദിനേശ്.
Online PR - CinemaNewsAgency.Com
